Aurkezpena

Atal honen planoa:

 

1. Elkar ikusi

2. Bizi Toki lagundu

3. Internet gunearen idazkien aurkezpena

  

1. Elkar ikusi

Helbidea: Bizi Toki, Goitia, 64120 Behauze. Telefonoa: 05 59 65 36 27. Emaila: bizitoki@live.fr

Gure bisitatzera etorri nahi dutenentzat (hitzordua harturik), Behauzeko frontoiaren ondotik pasa (frontoia eskuinean delarik), eskuin hartu bi aldiz eta gero ezkerrean den lehen baserria da.

 

Bizi Toki egitasmoa hainbat tokitan aurkeztera gomitatuak izan gara (Uztaritzeko Gaztetxea, Donostiko psikologia fakultatea, Mugerreko Alterherria, Otxandioko topaketa libertarioak, Donostiko heziketa zientzien fakultatea, Orioko Gaztetxea, Auzo lan ekimena, Zarauzko Gaztetxea...). Beste topaketa batzuentzat ez duda gurekin harremanetan sartzea.

 

2. Bizi Toki lagundu

Bizi Tokin burutzen ditugun jarduerak eta baserriaren zaharberritze lanak, kideen kotizazioen eta diru eskaintzen bidez finantzatuak dira. Diru sartze erregularra egitasmoaren egonkortasunaren bermea eta garapenaren eta zabaltzearen bitartekoa denez, gure kontuan (BIC: BCOEESMM008 edo RIB)  hilabetean behin banku diru isurtze automatikoa egiten duten laguntzaileak xerkatzen ditugu. Diru eskaintza txekez egiteko, “Bizi Toki”-ri zuzenduz “Bizi Toki, Goitia, 64120 Behauze” helbidera igor dezakezue. Aitzinetik milesker.

 

3. Internet gunearen idazkien aurkezpena

Bizi Tokiren internet gunearen aitzineko bertsioa (2011ko uztailean argitaratua) gogoeta anitzek aberastu dute eta birmoldatua izan da. Elikadurari, ipuinei, psikomotrizitateari, idatzizko mintzairaren eta idazketaren ikasketari buruzko gogoetak gehitu ditugu bereziki.

 

Bertsio berri honetan oraindik gauza anitz eskas da eta zonbait ideien adierazpen moldeak ez gaitu oraino asetzen. Aditu batzuk aipatzen ditugu jakinik beste batzuk baditugula deskubritzeko. Eskas dena, bakoitzaren ekarpenei esker etengabe osatzen ari gara eta zureak ongi etorriak dira.

Ondoko orrietan jorratzen diren gaiak teoria mailan sakondu nahi dituztenek, Bizi Tokiko kide batzuek egindako irakurketa espezializatuetatik etorritako idazki konplexuago batzuetara daramaten loturak (“Gehiago jakin”) atzemanen dituzte.

 

Dena den, Bizi Toki egitasmoaren izaera orokorra zein den ulertaraztea da idazki hauen helburua, gure gogoetak, esperientziak eta aurkikuntzak, interesatua izan daitekeen ororentzat eskuragarri izatea, eta baita, izaera horrekin bat egiten duen pertsona oro, egitasmo honetan esku hartzera gomitatzea ere (abiatua den trenean igotzea beldur ukan gabe).